އެޕަލް އިން މިއަދު ވަނީ ސެޕްޓެމްބަރ 14 ވަނަ ދުވަހު އެޕަލްގެ އިވެންޓެއް އޮންނާނެކަން މީޑިއާތަކަށް ކަށަވަރު ކޮށްދީ، ރަސްމިއްޔާތުގެ ދައުވަތު ވެސް ފޮނުވާފައެވެ.

އެޕަލް އިން އަންނަ އަންގާރަ ދުވަހު ދައްކާލުމަށް ހަމަޖެހިފައިވާ އެކުންފުނީގެ އުފެއްދުން ތަކުގެ ތެރޭގައި އައިފޯން-13 ގެ އިތުރުން އެޕަލް ސީރީސް-07 ގަޑި ހިމެނެއެވެ.އެޕަލްގެ އައިފޯން-13 ލޯންޗު ކުރުމުގެ ހާއްސަ ރަސްމިއްޔާތު އޮންނާނީ އަންނަ ބުދަދުވަހުގެ ރޭ ރާއްޖެ ގަޑިން 22:00 ގައެވެ.

މިއަހަރު ނެރޭ އައިފޯން-13 އާއި މިދިޔަ އަހަރު ނެރުނު އައިފޯން-12 އާއި އަޅައި ބަލާއިރު ޑިޒައިނަށް މާބޮޑެތި ބަދަލުތަކެއް ގެނެސްފައި ނުހުންނާނެ ކަމަށް ރިޕޯޓްތައް ބުނެއެވެ. މިއަހަރު ނެރޭނެ ކަމަށް ބެލެވެނީ 5.4 އިންޗިގެ އައިފޯން-13 މިނީ އާއި 6.1 އިންޗިގެ އައިފޯން 13 އާއި 6.1 އިންޗިގެ އައިފޯން-13 ޕްރޯ އަދި 6.7 އިންޗިގެ އައިފޯން-13 ޕްރޯ މެކްސް އެވެ.