އޭއެފްސީ ކަޕްގެ ޑްރީމް ޓީމެއް ހޮވުމުގެ ގޮތުން ހުޅުވާލި އޮންލައިން ވޯޓިން ޕޯލެއްގައި މުބާރާތުގެ އެންމެ މޮޅު ޑިފެންޑަރުންގެ ތެރޭގައި ގައުމީ ޓީމުގެ ކެޕްޓަން އަކުރަމް އަބްދުލް ގަނީ (އަކޫ) ހިމެނިއްޖެ އެވެ.
އަކުރަމް އަކީ މި ޝޯޓްލިސްޓުގައި ހިމެނުނު ކުޅުންތެރިންގެ ތެރެއިން ދެކުނު އޭޝިއާ ސަރަހައްދުން ނިސްބަތްވާ ހަމައެކަނި ކުޅުންތެރިޔާ އެވެ. ދެން ގިނައިން ހިމެނެނީ އޭޝިއާގެ ވެސްޓް ޒޯނަށް ނިސްބަތްވާ ގައުމުތަކުގެ ކުޅުންތެރިންނެވެ.
އޭއެފްސީ ރަސްމީ ވެބްސައިޓްގައިވާ ގޮތުން އޮންލައިން ވޯޓަކުން ހޮވާ ޑްރީމް ޓީމު އެކުލަވާލަނީ 3-4-3 ފޯމޭޝަނަށެވެ. އޭއެފްސީ ވެބްސައިޓް މެދުވެރިކޮށް އަންނަ ބުރާސްފަތި ދުވަހުގެ މެންދުރު 2 ޖެހުމާ ހަމައަށް އަކުރަމް އަށް ވޯޓު ދެވޭނެ އެވެ. އޭއެފްސީން ވަނީ 12 ޑިފެންޑަރުން މި ޕޯލްގައި ޝޯޓްލިސްޓުކޮށްފަ އެވެ.
