މޯލްޑިވްސް ޓޫރިޒަމް ޑިވެލޮޕްމެންޓް ކޯޕަރޭޝަން (އެމްޓީޑީސީ) އަށް 2020 ވަނަ އަހަރު 1.7 މިލިއަން ޑޮލަރު ގެ ފައިދާއެއް ލިބިއްޖެއެވެ.
އެ ކުންފުނިން އާންމުކޮށްފައިވާ 2020 ވަނަ އަހަރުގެ ހަތަރު ވަނަ ކުއާޓަރުގެ މާލީ ހިސާބުތައް ދައްކާގޮތުން އެ ކުއާޓަރުގައި ކުންފުންޏަށް އާމްދަނީ އަށް ލިބުނީ 945,719 ޑޮލަރެވެެ. އެ މުއްދަތުގައި ފައިދާ އަށް 932,751 ޑޮލަރު ލިބުނު ކަމަށްވެސް ހިސާބުތައް ދައްކައެވެ.
އެމްޓީޑީސީގެ ދަށުން ތަރައްގީކޮށް މިވަގުތު ހިންގަމުން އަންނަނީ މައިނާ އިންޓަނޭޝަނަލް ކުންފުންޏަށް ސަބްލީޒްކޮށްގެން ހިންގާ ބ. އަނަންތާރާ ކިހަވަށް ވިލާޒް އަދި ތުރުކީގެ އަހްމެޓް އައިދެޒް ކުންފުންޏަށް ސަބްލީޒް ކޮށްގެން ހިންގާ އަޔާދާ މޯލްޑިވްސް އެވެ.
