"އިމުގާ" މެދުވެރިކޮށް އޮންލައިންކޮށް ހުށަހަޅާ ޕާސްޕޯޓުތައް ދ. ކުޑަހުވަދޫ އިން ނެގުމުގެ އިންތިޒާމް ހަމަޖައްސައިފިއެވެ.
އެ ޕޯސްޓުގައިވާ ގޮތުން ކުޑަހުވަދޫން ޕާސްޕޯޓް ލިބޭނީ ކޮންމެ ހަފްތާއެއްގެ ހޯމަ ދުވަހުއެވެ. އަދި މުއްދަތު ނެތްނަމަ އަވަހަށް ލަސްނުކޮށް ޕާސްޕޯޓް އާ ކުރުމަށް އެދިފައިވެއެވެ. މިއީ ކުޑަހުވަދޫ އާއި އެ އަތޮޅުގެ ރައްޔިތުންނަށް ލިބުނު ވަރަށް ބޮޑު ފަސޭހައެކެވެ.
މީގެކުރިން ނަމަ، އެ ރަށްތަކުގެ ރައްޔިތުން ޕާސްޕޯޓް ބަލާ އަންނަން ޖެހެނީ މާލެއަށެވެ.
މިކަމަކީ ރައީސް ޑރ މުހައްމަދު މުއިއްޒުގެ ވައުދުފުޅާ އެއްގޮތަށް ހުރިހާ އަތޮޅަކުން ވެސް ރާއްޖޭގެ ޕާސްޕޯޓް ލިބޭނެ ގޮތް ހެދުމަށްޓަކައި ކުރާ މަސައްކަތުގެ ތެރެއިން ކުރި މަސައްކަތެކެވެ.
އިމިގްރޭޝަން ކޮންޓްރޯލާ މުހައްމަދު ޝައްމާނު ވިދާޅުވީ މިހާރުވެސް ރާއްޖޭގެ ހުރިހާ ސިޓީތަކުގެ އިތުރުން ހއ.ދިއްދޫގައި ވެސް މި ހިދުމަތްތަށް ލިބެން ހުންނާނެ ކަމަށެވެ. ޝައްމާނު ވިދާޅުވީ، އަމާޒަކީ 2025 ނިމުމުގެ ކުރިން ރާއްޖޭގެ ހުރިހާ އަތޮޅެއްގައިވެސްް ދިވެހިރާއްޖޭގެ ޕާސްޕޯޓް ލިބޭނެ އިންތިޒާމު ހަމަޖެއްސުން ކަމަށެވެ.
