ކުޅިވަރު ހަރަކާތްތަކުގައި ބުރުގާ (ހިޖާބް) އެޅުން މަނާކުރަން ފްރާންސްގެ ސެނެޓުން ފާސްކޮށްފިއެވެ.
ފްރާންސުގެ ސެނެޓަރުން ވިދާޅުވި ގޮތުގައި ކޮންމެ މީހަކަށްވެސް ބޭނުން ދީނަކަށް އުޅުމުގެ މިނިވަންކަން އޮންނާނެ ކަމަށާއި ނަމަވެސް ވަކި ދީނަކަށް ނިސްބަތްވާކަން އެނގޭ ގޮތަކަށް އުޅުމުން ދުރުހެލިވާން ޖެހެއެވެ.
ބުރުގާ އެޅުން މަނާ ނުކުރަންޏާ ދީނީ ވަކި ޝިއާރުތަކެއް ޕްރޮމޯޓްކުރާ ޖަމާޢަތްތައް އުފަންވެދާނެކަމަށާއި މުސްލިމް އެތުލީޓުންނާ ދެކޮޅަށް ފްރާންސުން ހަރުކަށި އުސޫލުތައް ހަދަމުން އަންނައިރު، އެ ގައުމުގެ ފުޓްބޯޅަ ފެޑެރޭޝަނުން ވަނީ އޮފިޝަލް މެޗުތަކުގައި ބުރުގާ އަޅައިގެން ނުކުޅެވޭނެކަމަށް އަންގާފައެވެ.
ފްރާންސުގެ ސެނެޓުން މި ބިލު ފާސްކުރި ކަމުގައިވިޔަސް އެ ގައުމުގެ ނޭޝަނަލް އެސެމްބްލީން މި ބިލު ފާސްނުކުރަނީސް ގާނޫނެއްގެ ގޮތުގައި އަމަލެއް ނުކުރެވޭނެއެވެ.
އިސްލާމްދީނާއި މުސްލިމުންނާ ދެކޮޅަށް ފަރަންސޭސިވިލާތުން އަންނަނީ ގިނަ ގާނޫނުތައް ހަދަމުންނެވެ. ޔޫރަޕުގައިވެސް އެންމެ ފާޅުކަން ބޮޑުގޮތެއްގައި މުސްލިމުންނާ ދެކޮޅު ގާނޫނުތައް ހަދާ ގައުމަކީވެސް ފްރާންސް އެވެ.
