މަޖިލީހުގައި ދެއްކެވި ވާހަތަކާއި ގުޅިގެން ކުރީގެ ވަޒީރު މުހައްމަދު މަލީހު ޖަމާލު ރައްޔިތުންގެ މަޖިލީހުގެ އިމްތިޔާޒު ކޮމިޓީއަށް ހާޒިރުކޮށް ކުރަމުންދާ މަސައްކަތަކީ ވަރަށް ޒިންމަދާރުކަން ކުޑަކޮށް ކުރާ މަސައްކަތެއްކަމަށް ރައްޔިތުންގެ މަޖިލީހުގެ ދަނގެތީ ދާއިރާގެ މެންބަރު އަދި ކުރީގެ ޑިފެންސް މިނިސްޓަރ ކާނަލް ރިޓަޔަރޑް މުޙައްމަދު ނާޒިމް ވިދާޅުވެއްޖެއެވެ.

މަލީހު މިއަދު ކޮމިޓީއަށް ހާޒިރު ކޮށްފައިވާ މައްސަލާގައި ވާހަކަ ދައްކަވަމުން ނާޒިމް ވިދާޅުވީ ވަޒީރަށް މަޖިލީހުގައި 30 މިނިޓްގެ ވަގުތެއްގައި ވާހަކަ ދައްކަން ފުރުސަތު ލިބި އެފުރުސަތުގައި މަޖިލީހުގެ ގަވާއިދުގައިވާ ގޮތުގެ މަތީން މަޖިލިސް ތަޅުމުގައި ދައްކަވާ ވާހަތަކާއި ގުޅިގެން އިތުރު އެއްވެސް ވާހަކަތަކެއް ދައްކައި ތަހުޤީޤު ކުރުމަކީ ޒިންމާދާރުކަން ކުޑަކަމެއްކަމަށާއި މަލީހު މަޖިލީހުގައި ދެއްކެވި ވާހަތަކާއި ގުޅިގެން މިހާރު ކުރަމުންދާ މަސައްކަތަކީ ޒަތީ މަސައްކަތްތަކެއްކަމަށެވެ.