ކޮވިޑް ޖެހިގެން ޖޯޑަންގެ ހޮސްޕިޓަލެއްގެ ވޯޑެއްގައި ފަރުވާދެމުންދިޔަ ހަމީހަކު މަރުވެފައިވަނީ އޮކްސިޖަން ހުސްވެގެންކަން ހާމަވުމާއެކު އެގައުމުގެ ބޮޑުވަޒީރު ބިޝާރް އަލް ކަސާވަނާ ވަނީ ހެލްތު މިނިސްޓަރު ނާތިރް އުބައިދަތު އިސްތިއުފާދެއްވުމަށް އެދިވަޑައިގެންފައެވެ.

ހޮސްޕިޓަލުގައި ހިނގި ހާދިސާ ތަހުގީގު ކުރަމުން އަންނައިރު ބަލިމީހުންގެ އާއިލާތަކުން ހޮސްޕިޓަލު ސަރަހައްދަށް އެއްވެ ވަނީ އަޑު އުފުލާފައެވެ.

ސަރުކާރުން ހިންގާ އެ ހޮސްޕިޓަލުގެ އެހެން ވޯޑުތަކުންވެސް އޮކްސިޖަން ލިބުން މެދުކެނޑި އެއްގަޑިއިރު ހޭދަވިކަމަށް އޮފިޝަލުން ބުނެއެވެ.