YANGON, MYANMAR - FEBRUARY 06: People make three-finger salutes during an anti-coup march on February 06, 2021 in Yangon, Myanmar. Myanmar's military junta on Saturday placed heavy restrictions on internet connections and suspended more social media services, almost a week after a coup in which it detained de-facto leader Aung San Suu Kyi and charged her with an obscure import-export law violation. Fresh protests broke out on Saturday morning in the country's capital as authorities moved to make mass arrests amid growing civil disobedience. (Photo by Getty Images/Getty Images)

މުޒާހަރާ ކުރާ މީހުންނަށް އަސްކަރިއްޔާގެ އިންޒާރެއް!

އަހުމަދު އިބްރާހިމް
8 ފެބްރުއަރީ 2021

އަހުމަދު އިބްރާހިމް
8 ފެބްރުއަރީ 2021

މިޔަންމާގައި މުޒާހަރާ ކުރާ މީހުންނާ ދެކޮޅަށް ފިޔަވަޅު އަޅާނެ ކަމުގެ އިންޒާރު އެގައުމުގެ އަސްކަރިއްޔާއިން މިއަދު ދީފި އެވެ.

މިޔަންމާގައި މިއަދު ބޭއްވި މުޒާރަހާތަކުގައި ޓީޗަރުންނާއި ވަކީލުންނާއި ބޭންކު އޮފިސަރުންނާއި ސަރުކާރު މުވައްޒަފުން ބައިވެރިވި އެވެ. އަދި އެ މުޒާހަރާ ރޫޅާލުމަށް ފުލުހުން ވަނީ ވޯޓާ ކެނަން ބޭނުންކޮށްފަ އެވެ. އޭގެ ސަބަބުން ބައެއް މީހުންނަށް އަނިޔާވި ކަމަށް ރިޕޯޓުކޮށްފައިވެ އެވެ.

މިޔަންމާގެ އަސްކަރިއްޔާއިން ބަޣާވާތް ކުރީ މިދިޔަ ނޮވެމްބަރު މަހު އެގައުމުގައި ބޭއްވި ޕާލިމެންޓު އިންތިހާބުގެ ނަތީޖާ އޮޅުވާލާފައިވާ ކަމަށް ބުނެ އެވެ. އެ އިންތިހާބުގައި އަންގް ސަން ސޫޗީގެ ޕާޓީން 80 ޕަސެންޓު ވޯޓު ކާމިޔާބު ކުރި އެވެ. އަދި އަސްކަރިއްޔާއިން ތާއިދު ކުރާ ޕާޓީއަށް ލިބުނީ އެންމެ 33 ގޮނޑި އެވެ. އޭގެ ސަބަބުން ވެރިކަން އަތުލުމަށް ފަހު ސިފައިން ވަނީ ކުއްލި ހާލަތު އިއުލާންކޮށް، އަލުން އިންތިހާބެއް ބާއްވާނެ ކަމަށް ބުނެފަ އެވެ.

އެ ބަޣާވާތް ކުރި ދުވަހު އަސްކަރިއްޔާއިން ސޫޗީ އާއި އޭރުގެ ރައީސް ވިން މަޔަންޓް އާއި އެ ސަރުކާރުގެ އިތުރު މެމްބަރުން ހައްޔަރު ކުރި އެވެ. އޭގެ ފަހުން ސޫޗީ އާއި ވިން މަޔަންޓް ތިއްބެވީ ގޭ ބަންދުގައި ކަމަށް އެ ދެ ބޭފުޅުންގެ ވަކީލު ވިދާޅުވި އެވެ.