މި ފަހަރު ސިއްހީ ކުއްލި ނުރައްކަލުގެ ހާލަތު ދިގު ދަންމާލައިފައިވަނީ އަންނަ މަހުގެ ނިޔަލަށެވެ.

ސިއްހީ ކުއްލި ނުރައްކަލުގެ ހާލަތުގައި ނިމިދިޔަ މޭ މަހާއި ޖޫން މަހަކީ ކޮވިޑް-19 ރާއްޖެއިން ފެނުނު ފަހުން އަދި މިހާތަނަށް އެންމެ ހާލަތު ގޯސް ދެ މަހެވެ. ނަމަވެސް މިހާރު ކޮވިޑްގެ ހާލަތު އަންނަނީ ރަނގަޅުވަމުންނެވެ.

ރާއްޖެއިން މިހާތަނަށް ޖުމްލަ 74،074  މީހުންނަށް ކޮވިޑް ޖެހިފައިވާއިރު އޭގެ ތެރެއިން 70،355 މީހަކު ވަނީ ބަލިން ރަނގަޅުވެފައެވެ. އެކްޓިވް ކޭސްތަކުގެ އަދަދު މިހާރު އުޅެނީ 3،359 ގައެވެ.

ރާއްޖެއިން ކޮވިޑްގައި މަރުވި މީހުން ޖުމްލަ އަދަދު ވަނީ 221 އަށް އަރާފައެވެ.