މަސްތުވާތަކެއްޗާ ދެކޮޅަށް ފުލުހުން ހިންގި ބޮޑު އޮޕަރޭޝަނެއްގައި 100 ކިލޯގެ މަސްތުވާތަކެތި އަތުލައިގަނެ 10 މީހަކު ހައްޔަރު ކޮށްފިއެވެ.

ކޮމިޝަނަރ އޮފް ޕޮލިސް މުހައްމަދު ހަމީދް ކުރެއްވި ޓްވީޓެއްގައި ވިދާޅުވީ މި މަސްތުވާތަކެތި އަތުލައިގެންފައިވަނީ ފުލުހުންގެ ޑްރަގް އިންޓެލިޖެންސް، މެރިން ޕޮލިސް، ފޮރެންސިކް އަދި ޑީއީޑީ ގުޅިގެން ފާއިތުވި 24 ގަޑިއިރު ހިންގާފައިވާ އޮޕަރޭޝަންގައި ކަމަށެވެ.

މި އޮޕަރޭޝަންގައި 10 ތަނެއް ބަލާ ފާސްކޮށް 100 ކިލޯގެ ހެރޮއިން އަތުލައިގަތް މި އޮޕަރޭޝަންގައި ހައްޔަރުކޮށްފައިވާ މީހުންގެ ތަފްސީލެއް އަދި ފުލުހުން ހާމަކޮށްފައެއް ނުވެއެވެ.