ފުވައްމުލަކު ސިޓީގައި ރެންޑަމްކޮށް ނެގި ދެ ސާމްޕަލެއް ކޮވިޑަށް ޕޮޒިޓިވްވެއްޖެއެވެ. ފުވައްމުލަކު ހޮސްޕިޓަލުން ބުނީ، އެ ސިޓީގައި ކޮވިޑު ފެތުރިފައިވޭތޯ ބެލުމަށް މިދިޔަ އާދީއްތަ ދުވަހު ނެގި ރެންޑަމް ސާމްޕަލްގެ ތެރެއިން މިހާތަނަށް ނަތީޖާ ލިބުނު ފަރާތްތަކުގެ ތެރެއިން ދެ މީހަކު ކޮވިޑަށް ޕޮޒިޓިވް ވެފައިވާ ކަމަށާއި ރެންޑަމް ސާމްޕަލް ނަގާފައިވަނީ އާންމުންނާ ގިނައިން ބައްދަލުވެ އުޅޭ މީހުންގެ ފަރާތުން ކަމަށްވާތީ، އެ ސިޓީގައި ކޮމިއުނިޓީ ސްޕްރެޑެއް އޮތުމުގެ ފުރުސަތު ބޮޑުކަމަށް ބެލެވޭ ކަމަށެވެ.
މިހާރުވަނީ ފުވައްމުލަކު މޮނިޓަރިން ހާލަތަށް ގެނެސްފައެވެ.
